വർക്കല
ബ്ലോക്ക് പഞ്ചായത്ത്

വർക്കല ബ്ലോക്ക് പഞ്ചായത്ത് കേരളത്തിൽ തലസ്ഥാന ജില്ലയായ തിരുവനന്തപുരം ജില്ലയുടെ വടക്ക് പടിഞ്ഞാറ് ഭാഗത്ത് കൊല്ലം ജില്ലയോട് ചേർന്ന് അതിർത്തി പങ്കിട്ട് കിടക്കുന്ന ചെറുന്നിയൂർ, ഒറ്റൂർ, മണമ്പൂർ, ചെമ്മരുതി, ഇലകമൺ, ഇടവ, വെട്ടൂർ എന്നീ ഗ്രാമപഞ്ചായത്തുകൾ ഉൾപ്പെടുന്ന ബ്ലോക്ക് പഞ്ചായത്ത് പ്രകൃതി ഭംഗിയും ജൈവ വൈവിധ്യവും വിവിധ ജാതി മത വിഭാഗങ്ങളുടെ സംഗമ സ്ഥലമായി നിലകൊള്ളുന്നു.പൊതുവേ ഉയർന്ന പ്രദേശങ്ങളും കുത്തനെയുള്ള ചെരിവുകളും ഇടയ്ക്കിടെ ചെറു കുന്നുകളും, ഉയർന്ന സമതലങ്ങളും, താഴ്വരകളും വയലുകളും, താഴ്ന്ന വിധാനത്തിൽ ഉള്ള സമതലങ്ങളും കായൽത്തീരവും കടൽത്തീരവും ചേർന്ന ഒരു സങ്കര പ്രകൃതിയാണ് വർക്കല ബ്ലോക്ക് പഞ്ചായത്തിന്റെ ഭൂപ്രകൃതി. ഏറ്റവും ഉയരം കൂടിയ പ്രദേശങ്ങൾക്ക് സമുദ്രനിരപ്പിൽ നിന്നും 80 മീറ്ററോളം ഉയരമുണ്ട്. വർക്കല ബ്ലോക്ക് പഞ്ചായത്ത് പ്രദേശത്തിന് 86.76 ചതുരശ്ര കിലോമീറ്റർ വിസ്തീർണ്ണം ഉണ്ട്.